CURTOCIRCUÍTO 2025 · COSMOS 2
Sección competitiva
Cosmos nace no 2023 para romper as barreiras entre xéneros e a procedencia das películas, poñendo a dialogar o cinema narrativo máis arriscado coas propostas de vangarda. A diversidade cultural e outros retos da nosa sociedade terán un espazo para a visibilización e a reflexión.
[Fotograma de No mean city, de Ross Mcclean]
O príncipe
(El princep)
2024
ÀLEX SARDÀ
0:29:13
FIC
Hoxe é día do trinque e Artur, fillo dunha familia burguesa e bailarín nunha compañía de danza contemporánea, actúa como o príncipe dun reino feito á súa medida. Todo cambia cando o seu pai é arrestado por corrupción nun escándalo inmobiliario. A partir dese momento, Artur deberá decidir entre protexer á súa familia encubrindo ao seu pai ou enfrontar as consecuencias de renunciar aos seus privilexios.
O home que non podía permanecer en silencio
(The Man Who Could Not Remain Silent)
2024
NEBOJŠA SLIJEPCEVIC
0:14:00
FIC
27 de febreiro de 1993, Strpci, Bosnia e Hercegovina. Forzas paramilitares deteñen un tren de pasaxeiros que vai de Belgrado a Bar nunha operación de limpeza étnica. Mentres levan civís inocentes, só un home de entre os 500 pasaxeiros se atreve a plantarlles cara. Esta é a historia real dun home que non puido permanecer en silencio.
Piloto baleiro
(Empty Rider)
2025
LAWRENCE LEK
0:15:00
FIC
Nesta curtametraxe de ciencia ficción, o coche autónomo intelixente Vanguard-3181 é xulgado por tentar asasinar o director executivo da súa empresa matriz. Rodado desde a perspectiva dun dron de vixilancia, o proxecto explora a ficción xurídica da personalidade electrónica e como os recordos interxeracionais poden xurdir da aprendizaxe automática. O xuíz Omega, dotado de intelixencia artificial, preside a cavernosa sala do tribunal, baleira salvo por unha serie de cámaras de transmisión. Tres testemuños presentan diferentes puntos de vista sobre a situación de Vanguard: Farsight Corporation tenta culpar o seu propio coche autónomo, alegando que actuou de forma autónoma e con intención maliciosa. Guanyin, adestradora e terapeuta de Vanguard, alega a defensa de «doli incapax», a presunción de que un neno non pode ser declarado culpable dun delito. Cando Vanguard finalmente presenta o seu propio argumento, somos testemuñas de como o protagonista expón un argumento novo sobre o seu propio destino.
Non estamos dacordo
(We Beg to Differ)
2024
RUAIRI BRADLEY
0:12:39
DOC
No mundo clandestino do diffing, unha comunidade atopa consolo na súa paixón, mentres se enfrontan a dificultades e retos persoais tanto dentro como fóra da estrada.
Non é unha cidade calquera
(No Mean City )
2025
ROSS MCCLEAN
0:14:00
DOC
Dous obreiros e un aprendiz percorren Belfast pola noite, substituíndo os vellos farois de sodio por outras LED. Baixo o seu resplandor, a cidade enfróntase ao cambio, mentres o progreso segue avanzando.
