Esta competición aglutina as producións galegas que Curtocircuíto considera máis arriscadas e interesantes, ao tempo que intenta conformar un conxunto que represente a heteroxeneidade da escena galega.
Ruovesi (Ruovesi)
2023
Andrea Zapata-Girau
0:18:24
FIC
Cecilia, supervivente da represión militar chilena, conxuga, desde o seu desterro en Finlandia, loita interior e política, disgregación xeográfica e familiar. Ao seu carón, a súa neta Aava, ofrecéndolle un novo lugar desde o que aliviar, por un momento, a carga do seu persistente e fragmentado renarrar. Baseado na vida de Silvia Eliana Aedo, que interpreta a Cecilia.
Alicia fai cousas (Alicia fai cousas)
2023
Ángel Santos
0:25:00
FIC
Alicia está obsesionada, metéuselle na cabeza que é aburrida, ou que está aburrida, ou quizá simplemente que todo é aburrido. Nós seguímola na súa obsesión, mentres se prepara para un casting, pensa se debería apuntarse a algún curso ou dubida se ir ou non ir a unha festa.
Habitar (Habitar)
2023
Anxos Fazáns
0:14:46
DOC
Pode un corpo ser unha casa? Que é un fogar? Habitar trata de responder a estas preguntas sobre a construción das nosas identidades a través do retrato íntimo de persoas transxénero e non binarias de Galicia.
Devocións (Devociones)
2023
María Serna, Ángel Montero Vázquez
0:17:00
EXP, DOC
Rituais curativos, baños, aloumiños, coidados. Devocións é unha historia de amor e enfermidade que explora a aceptación dunha perda e da posibilidade real da morte. Unha viaxe sensorial a través do espello en busca de paisaxes que sandan para celebrar a vida.
Alguén me Chamou Serpe Negra (Alguén me Chamou Serpe Negra)
2023
Borja Santomé
0:10:01
ANI, EXP
Alguén me chamou serpe negra é unha colección de relatos oníricos a medio camiño entre o imaxinario e o autobiográfico. A película fálanos da busca dunha serie de personaxes, pouco esbozados, que emprenden unha viaxe física e mental desde a cidade, ruidosa e desordenada, ata alcanzar a costa e os seus novos misterios nunha sucesión de escenas que nos remiten ao descubrimento e á sede.
