O Grupo de Ciudades Patrimonio de la Humanidad organiza o VIII Ciclo de música de cámara. O ciclo conta coa colaboración da Escuela Superior de Música Reina Sofía e recalará en espazos singulares das 15 cidades españolas con selo Unesco, até o mes de decembro. Facer música de cámara en lugares únicos, cheos de historia, onde a música e espazos poténcianse mutuamente e enriquecen a experiencia do público.
Esta oitava edición continúa coa liña iniciada en 2014 para a programación de concertos de gran calidade, no marco dos proxectos culturais de Ciudades Patrimonio a través da súa Comisión de Educación, Cultura y Deporte.
CUARTETO ALBÉNIZ DE PROSEGUR
Violín: Jacobo Christensen
Violín: Valerie Isabel Steenken
Viola: Keigo Suzuki
Violonchelo: Leonardo Chiodo
PROGRAMA
Felix Mendelssohn
Cuarteto de corda núm.6 en fa menor, Op. 80 (1809-1847)
I. Allegro vivace assai - Presto
II. Allegro assai
III. Adagio
IV. Finale: Allegro molto
(27 min.)
Franz Schubert
Cuarteto de corda núm.14 en re menor, D.810 “A morte e a doncela” (1797-1828)
I. Allegro
II. Andante con moto
III. Scherzo. Allegro molto. Trío
IV. Presto
(35 min.)
_____
Creado na Escuela Superior de Música Reina Sofía en 1995, o Cuarteto Albéniz de Prosegur foi dirixido polos profesores Rainer Schmidt, Alastair Tait e Heime Müller, baixo cuxa tutela se atopa na actualidade. O Cuarteto recibiu de mans da Raiña Dona Sofía o Diploma de Grupo de Corda máis sobresaliente da súa categoría en varios cursos académicos.
Desde a súa formación, o cuarteto actuou en lugares tan emblemáticos como a Casa de la Moneda, Fundación Carlos de Anveres, Museo del Prado, Palacio de Congresos y Convenciones de Madrid, Real Sitio de la Granja de San Ildefonso, Museo Nacional de Arte Romana de Mérida, Festival Internacional de Música Sacra de Ecuador, Palacio do Marqués de Salamanca (dentro do ciclo Primavera), Paraninfo do Colegio Oficial de Médicos de Madrid (dentro do ciclo Solistas del Siglo XXI), Auditorio Sony, Real Alcázar de Sevilla (concerto conmemorativo do 200 Aniversario da Constitución de 1812), Museo ABC de Dibujo y Ilustración, Auditorio Nacional de Música de Madrid (dentro do ciclo Generación Ascendente), Auditorio de San Blas de Salamanca (dentro do ciclo Festival de Música de Cámara nas Ciudades Patrimonio de la Humanidad de España) e Teatro Real de Madrid (dentro do ciclo Nuevos Talentos Fundación Banco Sabadell).
