CRÓNICAS DUN NON

CINEUROPA

PANORAMA AUDIOVISUAL GALEGO

CRÓNICAS DUN NON (2025) + PRESENTACIÓN

Fernando Rodríguez

España / 70 min / Documental / Galego, castelán

Ficha artística:

Manuel Rivas, Martázul Busto, Duarte Crestar, Francisco Salgado, Encarna Otero, Guillerme Vázquez, Elías Rozas, Xoán Cordeiro Budiño, Carlos Blanco, Xosé García Lapido, Manuel Almenar, Camilo Nogueira, Xoán Antón Pérez-Lema, Cristina Álvarez, Nuria Grandío, Fernando Rodríguez

Ficha técnica:

Guión: Fernando Rodríguez

Fotografía: Álvaro Liste

Edición: Miguel Romero, Luís Millares

Produción: Ismael Romarís

Sinopse:

Fernando Rodríguez, coñecido como “Peñaño”, reconstrúe en primeira persoa a historia do movemento da insubmisión en Galicia, que na década de 1990 se converteu nunha das máis significativas experiencias de desobediencia civil no Estado español. A través da súa propia experiencia —foi encarcerado en 1989 por negarse a cumprir o servizo militar— e das voces doutros protagonistas, o documental recupera a memoria dunha loita colectiva chea de inxenuidade, valentía e convicción, que contribuíu a abolir o servizo militar obrigatorio en 2001.

Fernando Rodríguez “Peñaño” é guionista, produtor e realizador, formado en Produción Audiovisual na Escola de Imaxe e Son da Coruña. Foi guionista e dialoguista da serie 4º sen ascensor e de curtametraxes como A loita ou A cadros, ademais de producir documentais como Entre Patifas, Seis estrelas ou Beiras, vivir dúas veces. Tamén é autor de varios libros de poesía e narrativa, entre eles A mala idea (2002), Miradas Ausencias (2004, Premio Prados Ledesma), Camiños (2008), El tiempo, todo locura (2014) e Querida Laura (2020).