FESTIVAL C
EN FAMILIA · CONTOS NO PARQUE· APEGO
COMISIÓN DE FESTAS
Brais das Hortas
Idade recomendada: a partir de 3 anos
Duración: 60 min
O Programa Apego e A TROPA C abren un espazo de narración no parque de Bonaval os martes de agosto ás 18.00 horas. Mantiña, merenda… con contos, cantos, monicreques.... para escoitar, participar e socializar en galego.
Brais das Hortas ten un plan: armar a festa. Pero non o pode facer só. Precisa unha Comisión de Festas.
Neste novo espectáculo que mistura música, clown e teatro, Brais das Hortas transformará o escenario nun torreiro en festas coa axuda do público que será a súa Comisión de Festas.
A música, o baile e a risa coa continua interacción co público irá transformando pouco a pouco o escenario nun campo da festa.
E aínda hai máis!
Unha galiña cantando con autotune en Tarde piaches, un arriscado selfie ao lado dun pastor eléctrico que acaba cun Calambrasso no braso, un baile orgulloso e diverso a peito aberto e peludo, moi peludo, en Peito Lobo...
Disto vai Comisión de Festas, de darnos conta de que, se nos xuntamos, podemos encher o mundo de alegría.
