Dentro da Semana de Cine Euroárabe AMAL, que se celebra no Teatro Principal do 22 ao 26 de outubro.
Alba Sotorra | 2018 | España, Alemaña, Siria | 77’
Nesta historia sobre a emancipación e a liberdade en plena fronte da guerra de Siria, a comandante Arian, de 30 anos de idade, guía cara a Kobane a un batallón de mulleres coa misión de liberar á poboación que vive baixo o xugo do Daésh (ISIS).
ALBA SOTORRA
Alba Sotorra é directora e produtora independente. O seu cinema céntrase en historias comprometidas cos conflitos políticos, sociais e humanos dos nosos días. Viviu en distintos lugares do mundo, pasando longos períodos en Oriente Medio, especialmente en Siria, Turquía, Irán e Qatar.