AS RAÍCES NA PEDRA
AGRUPACIÓN COLEXIATA DO SAR. Coa agrupación nace tamén a Escola de Danza e Música Tradicional que ten como obxectivo formar adultos e nenos e nenas dentre 3 a 14 anos na danza tradicional, introducíndoos no mundo do folclore popular para garantir o futuro da Agrupación e desta maneira promover a conservación das nosas raíces e riqueza cultural.
BRINCADEIRA é unha das asociacións de danza máis coñecidas e antigas de Compostela. Formouse a finais dos anos 70 co obxectivo de conservar e difundir a música e o baile tradicionais galegos. Os primeiros membros de Brincadeira procedían de Coros y Danzas de la Sección Femenina de Santiago de Compostela que naceran en 1942 e desapareceron durante a Transición. Deles e delas herdamos instrumentos, traxes e o gusto polo noso baile e a nosa música; pero en Brincadeira démoslle outro enfoque ao feito folclórico: queremos conservar e difundir o sentir da cultura tradicional galega que se viña transmitindo de xeración en xeración.
