CONCERTO ACCESIBLE*
APARCADOIRO_AUDITORIO DE GALICIA
EP/64 é un sutil combo de improvisación salvaxe, con xeometría variable, formado pola crúa vocalista Dali de Saint Paul (Harrga / Viridian Ensemble). The Ephemeral Project/64 está destinado a cesar despois de 64 presentacións e ese é o único plan que adoptaron ata o de agora.
O combo (a maioría das veces, trío) mergúllase libremente nas interaccións entre os seus elementos dirixindo así a enerxía da música e evolucionando entre xéneros ás veces rodeados de imaxes creadas por artistas locais. Destacados por Supernormal Festival, Raw Power, Astral Festival Bristol, actuando en Café Oto (Londres), abrindo para Keiji Haino & Charles Hayward ou Phew en The Exchange Bristol. Preto de 40 músicos e artistas visuais de diferentes escenas participaron neste proxecto creando rituais únicos que celebran a unión e o poder da improvisación.
O efémero proxecto apuntaba ao cese despois de 64 presentacións en vivo, cada unha delas gravada para celebrar a maxia do efémero. Ata o momento, actuaron 57 veces.
EP/64
*ACCESIBILIDADE
Desde o espazo de residencia de COLAPSOLOXÍAS apóstase pola cultura como instrumento de transformación social, contribuíndo na promoción do dereito das persoas para participar en condicións de igualdade na vida cultural. Desde xeito, no marco desta residencia artística, facilitarase o acceso ao servizo de Mochilas Subpac e de interpretación de Lingua de Signos durante o concerto.
Previa inscrición no correo: info@extramundi.org
Colapso Colectivo intégrase como unha liña de acción colaborativa da Asociación Extramundi, rede profesional multidisciplinar encamiñada a xerar procesos de equidade social a través da construción de sociedades máis inclusivas e diversas (habitats máis humanos). Para esta ocasión contamos coa colaboración novamente dos nosos compañeiros da Asociación ACOPROS.
+ INFORMACIÓN EN: COLAPSO COLECTIVO