Cineuropa despide a súa 37ª edición cunha cerimonia de clausura no Teatro Principal na que se darán a coñecer as persoas gañadoras dos premios outorgados polo xurado oficial e o xurado novo así como os premios do público. Tras a entrega de premios proxectarase o filme Le procès Goldman.
CINEUROPA · SECCIÓN OFICIAL EUROPEA
LE PROCÈS GOLDMAN / O CASO GOLDMAN (2023)
Cédric Kahn
Francia / 116 min / Ficción / Francés
Ficha artística:
Arieh Worthalter, Arthur Harari, Stéphan Guérin-Tillié
Ficha técnica:
Guión: Nathalie Hertzberg, Cédric Kahn
Fotografía: Patrick Ghiringhelli
Edición: Yann Dedet
Produción: Nathalie Dennes, Benjamin Elalouf, Cédric Kahn
Sinopse:
En 1975 celébrase o xuízo de Pierre Goldman, unha apaixonada e controvertida figura do activismo de esquerda revolucionaria. Culpado de numerosos cargos, Goldman proclama a súa inocencia nunha acusación de dobre asasinato. Vinte anos antes do caso de OJ Simpson, o xuízo de Goldman reflicte as tensións políticas, ideolóxicas e raciais que marcaron os anos 70 en Francia e Europa. Considerado daquela como o xuízo do século, dividiu a todo un país e ampliou a fenda entre a dereita conservadora e os intelectuais de esquerda.
Cédric Kahn (Crest, Francia). En 1991, tras dúas curtametraxes, dirixiu a súa primeira longametraxe, Bar des rails, seleccionada no Festival de Venecia. Tres anos despois, a súa segunda película, Trop de bonheur, foi seleccionada na Quincena de Realizadores do Festival de Cannes, onde obtivo o premio Jean Vigo. L’Ennui (1998), Roberto Succo (2001), Regrets (2009) ou Wild life (2014) son outros filmes da súa autoría.
