FESTIVAL C 2021
Cando as poetas dialogan
Un recital conxunto entre Luz Pichel e Elvira Ribeiro.
Quen o probou sabe do luxo que é asistir ao diálogo entre dúas poetas. Atender os elos que as unen, xenealoxías, rozaduras e complicidades. Nun espazo íntimo, Luz Pichel e Elvira Ribeiro fannos partícipes da conversa a través das súas obras. A oportunidade de descifrar un territorio; presenciar o ritmo, o silencio, a cadencia, a oralidade compartida entre as poetas de Alén e Cequeril.