CAMP D’ÉTÉ / CAMPAMENTO DE VERÁN

CINEUROPA

SECCIÓN OFICIAL A CONCURSO. CINEASTAS DO PRESENTE

CAMP D’ÉTÉ / CAMPAMENTO DE VERÁN (2025)

Mateo Ybarra

Suíza, Francia / 78 min / Documental / Francés, inglés, alemán, italiano

Ficha técnica:

Guión: Mateo Ybarra, Milan Alfonsi, Louis Rebetez

Fotografía: Lucie Goldryng

Edición: Rémi Langlade

Produción: Mateo Ybarra, Madeline Robert

Sinopse:

En Suíza, o movemento scout non é unha reliquia do pasado, senón unha realidade viva e entusiasta. Este documental acompaña un grupo de mozos e mozas durante catorce días de convivencia nun campamento instalado nun val suízo, onde milleiros de adolescentes constrúen unha pequena vila temporal. A través das súas actividades —traballo en equipo, aprendizaxe, disciplina, reflexión e alegría compartida— o filme retrata o idealismo e o sentido ético que sustentan o espírito scout. Un retrato luminoso e cheo de vida sobre a amizade, a responsabilidade e o tránsito á madurez.

Mateo Ybarra é un cineasta suízo formado en realización na HEAD – Genève e na Universidade das Artes de Londres. En 2020 codirixiu, xunto a Raphaël Dubach, LUX, unha recreación dun simulacro do exército suízo que gañou un premio no Festival de Locarno. En 2022 presentou Sur nos monts, construída a partir de imaxes filmadas por soldados durante o servizo militar e galardoada con dous premios no Festival de Cinema Documental Ji.hlava, na República Checa.