Temporada 2025/26: Escoita, sinte e desfruta
Concerto: Impetuosamente inspiradoras
BANDA MUNICIPAL DE SANTIAGO DE COMPOSTELA
FEDERACIÓN GALEGA DE BANDAS
David Fiuza (director)
Rosa Cedrón (voz solista)
Noa López Caldeiro (artista plástica)
PROGRAMA
Carmen Rodríguez: A cova sumerxida *(estrea absoluta)
Modest Mussorgskii: Cadros dunha exposición
Xoan Montes: Seis baladas galegas
SINOPSE
Impetuosamente inspiradoras son tanto as 3 obras como as 3 artistas galegas (de orixe lucense) que protagonizan este programa; a música énchese de cor autóctona nunha máxica pintura musical que profetiza a perfecta simbiose entre a tradición e a vangarda no contexto da cultura galega.
A estrea absoluta da obra da talentosa compositora ribadense Carme Rodríguez dá vida á lenda da Maruxaina, a través dunha sonoridade renovada e acorde á vangarda dos tempos actuais.
Os inmortais ‘Cadros dunha exposición’ de Mussorgskii, baseados na obra plástica multidisciplinar de Viktor Hartmann, son a inspiración para que a artista sarriá Noa López presente unha versión dunha colección de 10 obras pictóricas (nas que utiliza diferentes técnicas), para que a música acompañe unha visión artística no contexto da cultura galega.
Os poemas do Rexurdimento da nosa lingua foron o impulso para que o compositor lucense Xoan Montes nos agasallara coas delicadas e fermosas Baladas Galegas, nas que se conta dá testemuña poética da nosa tradición e da nosa historia, a través dunha das voces icónicas e mais reveladoras de todos os tempos: a monfortina Rosa Cedrón.
