AKU WA SONZAI SHINAI/ O MAL NON EXISTE

DATOS BÁSICOS

CINEUROPA · PANORAMA INTERNACIONAL

AKU WA SONZAI SHINAI / O MAL NON EXISTE (2023)
Ryusuke Hamaguchi
Xapón / 106 min / Ficción / Xaponés

Ficha artística:
Hitoshi Omika, Ryô Nishikawa, Ryûji Kosaka

Ficha técnica:
Guión: Ryusuke Hamaguchi 
Fotografía: Yoshio Kitagawa
Edición: Ryûsuke Hamaguchi, Azusa Yamazaki
Produción: Ryûsuke Hamaguchi, Shô Harada, Eiko Ishibashi, Tomohisa Ishii, Satoshi Takada, Katsumi Tokuyama

Sinopse:
Takumi e a súa filla Hana viven nunha aldea nos arrabaldes de Tokio. A súa vida vese fondamente afectada ao descubriren que preto da súa casa se vai construír un luxoso cámping para que os habitantes da cidade fagan escapadas cómodas á natureza. Cando dous representantes dunha empresa de Tokio chegan á aldea para celebraren unha xuntanza, queda claro que o proxecto vai ter un impacto negativo na subministración de auga local e que vai provocar disturbios. As intencións desiguais da axencia poñen en perigo o equilibrio ecolóxico da meseta e mais a súa forma de vida.

Ryusuke Hamaguchi (Kanagawa, Xapón). Cursou un Mestrado en Cinema na Universidade de Tokio. A súa primeira longametraxe, Passion (2008), estreouse no Festival de San Sebastián. Logo virían títulos como Intimacies (2012), Touching the Skin of Eeriness (2013), Happy hour (2015) ou as multipremiadas Asako I & II (2018) e Drive my car (2021).

Gran Premio do Xurado no Festival de Venecia 2023
 

Duración: 
106 MIN
Entradas: 

CINEUROPA

  • 4 euros
  • Bono 10 películas: 30 euros

PARA TODAS AS PROXECCIÓNS:

  • compostelacultura.gal
  • Zona C (Praza de Cervantes): de martes a sábado, de 11.00 a 14.00 e de 16.00 a 19.00 h. Tel.: 981 542 462
  • Teatro Principal: de 16 h ata a hora de inicio do último filme do Teatro Principal ou do Salón Teatro. (Se hai un filme ás 16.00 h ou antes, o despacho de billetes abre media hora antes de que comece). Tel.: 981 542 349

EN CADA SALA, TAMÉN PARA AS PROXECCIÓNS DE ESE ESPAZO:

  • NUMAX: de luns a sábado (excepto martes) de 10.30 a 14.00 h e de 16.00 a 20.30 h e os martes só de 16.00 a 20.30 h. Os domingo e calquera outro día fóra deste horario, abriríase o despacho de billetes 10 minutos antes do inicio da sesión.
  • MULTICINES COMPOSTELA: dende as 17.00 h ata a hora de inicio do último filme. (Se hai un filme ás 17.00 h ou antes, o despacho de billetes abre quince minutos antes de que comece)
  • AUDITORIO DE GALICIA: dende media hora antes do inicio de cada sesión.

PRÉGASE USO PREFERENTE DA WEB PARA A ADQUISICIÓN DE ENTRADAS

Funcións: 
Sábado, 18 Novembro, 2023
17:00
Teatro Principal
Domingo, 19 Novembro, 2023
17:00
Teatro Principal
MULTIMEDIA

Aku wa sonzai shinai Official Trailer IMDb