Canto custa o abono?
O abono ten un prezo de 30 euros e podes canxealo por 10 entradas.
É persoal? Ten límite de compra?
Non hai límite de compra e non é persoal. É dicir, podes mercar as 10 entradas para un mesmo filme e nunha mesma compra.
Onde o merco?
No despacho de billetes do Teatro Principal ou nesta web.
Como merco o meu abono por internet?
Para mercalo por internet primeiro tes que estar rexistrada nesta web, algo que podes facer aquí. Unha vez rexistrada, entras co teu email e contrasinal e podes mercar o abono no enlace que aparece neste evento arriba á dereita e que pon MERCAR.
Cando o merques chegarache un correo electrónico co abono en pdf por se queres usalo nalgunha compra física na billeteira.
Se o queres usar para mercar as túas entradas por internet, abonda con que navegues pola web con normalidade e cando selecciones a película para a que queres mercar entrada elixas como forma de pago o Abono. Xa che irá descontando as películas ata gastalo.
Cada vez que canxees o abono, chegarache ao mail a entrada ou entradas correspondentes. Ademais, no teu perfil terás todos os teus movementos e abonos activos para coñecer que saldo che queda.
Teño que ensinar o abono na entrada da sala?
Non, non fai falta. O que tes que ensinar é a entrada do filme correspondente (impresa ou ensinándoa no teu dispositivo electrónico).
Podo usar o abono mercado por internet nas billeteiras?
Si, sen problema. Abonda con que leves impreso o abono que che faremos chegar ao teu mail ou simplemente con que nolo ensines no teu dispositivo electrónico.
Podo canxear o abono mercado na billeteira por internet?
Non. Iso non é posible porque ese abono é anónimo e polo tanto non está unido a ningún usuario da web. Ese abono só se poderá canxear nas billeteiras.
En que billeteiras o podo canxear?
Nas do Teatro Principal para os filmes de todas as salas do festival. En NUMAX para os filmes de NUMAX e nos Multicines Compostela para os filmes dos Multicines Compostela.