CINEUROPA | CICLO CINEMA E CAMBIO CLIMÁTICO:
“OS ÚLTIMOS DÍAS DO EDÉN”
Diana Toucedo
España / 80 min. / Documental / Galego
Ficha técnica:
Música: Sergio Moure de Oteyza
Fotografía: Lara Vilanova
Sinopse:
Alba ten 12 anos e desexa descubrir o descoñecido, misterioso e fascinante da morte. Xunto ao seu mellor amigo, Samuel, entran en casas abandonadas, percorren aldeas destruídas e adéntranse no interior das montañas que esconden outro mundo paralelo. Unha viaxe que parte da inocencia para descubrir o misterio da loita entre a vida e a morte. Un relato entre o documental e a ficción que transcorre nunha aldea de Galicia onde “a vida non se acaba, senón que se transforma noutra cousa”. O filme acompaña os habitantes dunha aldea na serra do Courel (Lugo) nas súas rutinas diarias. O espectador introdúcese nun mundo con fronteiras vagas entre a realidade e a ficción, entre o mundo dos vivos e o dos mortos, e a cámara acompáñao na súa exploración do “outro lado”.
2018: candidatura ao mellor documental nos Premios Gaudí
2018: sección Panorama do Festival Internacional de Cinema de Berlín