CINEUROPA
PANORAMA INTERNACIONAL
TRENQUE LAUQUEN (2022)
Laura Citarella
Arxentina, Alemaña / 250 min / Ficción / Español
Ficha artística:
Laura Paredes, Ezequiel Pierri, Rafael Spregelburd
Ficha técnica:
Guión: Laura Citarella, Laura Paredes
Fotografía: Yarara Rodriguez
Edición: Miguel De Zuviría, Alejo Moguillansky
Produción: El Pampero Cine, Grandfilm
Sinopse:
Unha muller desaparece. Dous homes saen na súa procura: ambos os dous a aman. Por que marchou? Cada un deles ten a súa propia sospeita e ocúltalla ao outro que —misteriosamente— nunca chega a ser o seu rival. Ningún ten razón, pero, alguén tena? Esa fuxida de súpeto revélase como a cerna secreta dunha serie de ficcións que o filme, sutilmente, se encarga de tecer: o segredo do corazón doutra muller, perdida tamén hai xa unha morea de anos; o segredo da vida dunha aldea sacudida por un acontecemento sobrenatural que ninguén semella percibir; o segredo da chaira, que non deixa de espallarse devorándoo todo, como as sombras que asolagan o mundo despois do solpor.
Laura Citarella (La Plata, Arxentina). Citarella dirixiu as películas Ostende (2011), La mujer de los perros (codirixida con Verónica Llinás en 2015), Las poetas visitan a Juana Bignozzi (codirixida con Mercedes Halfon no 2019) e Trenque Lauquen. Tamén se fixo un nome como unha das produtoras de cinema independente máis importantes de Arxentina como parte de El Pampero Cine.