TERRA NACHO ALONSO

DATOS BÁSICOS

Sección non competitiva adicada a cineastas de Galicia que teñan unha obra consistente e personal.

NACHO ALONSO

Regálolle a Eva un pequeno laboratorio que instala na planta baixa da nosa casa. Así comecei a facer fotografías. Falamos dunha decena de carretes en dous ou tres anos. Máis tarde, cunha lente de 90 mm, comezo a facer retratos en branco e negro. Para facelos sírvome dunha luz suave que maquilla a realidade e a idealiza. Quizás non era esta a miña intención, pero foi o resultado de acudir unha e outra vez a un recurso que funciona. Non lembro tomar decisións en canto á composición. A ver, achegábame moito. Con estes retratos comezo a entender como reacciona unha película. Son xente que coñezo. Os mellores funcionan como espellos. Algúns son premonitorios. Pouco a pouco reconcíliome comigo mesmo. Non sempre teño diñeiro para carretes. Este feito marcou definitivamente a miña maneira de traballar. Fago poucas fotos.

Esta sesión contará coa presenza do autor. Terá formato de proxección-coloquio interactivo co público e proxectaranse dous diaporamas dos fotolibros Ensayo sobre la noche e Solar.

 

THE HUM. EL SONIDO QUE PROVOCAN LAS VIBRACIONES DESDE EL CENTRO GALÁCTICO.

THE HUM. O SON QUE PROVOCAN AS VIBRACIÓNS DENDE O CENTRO GALÁCTICO.

Nacho Alonso | 2015 | 01:13 | España | FIC | COR

Quixen gravar en vídeo un lugar que fotografara outras veces, un espazo negativo na zona portuaria de Vigo. Os baixos fondos. A idea de comezar coa imaxe conxelada é unha certeza sobrevida na cama. É importante o son que produce o xerador e a reverberación que permanece despois de apagarse. O título escóitoo unha madrugada de sono lixeiro na casa dunha amiga afeccionada a documentais sobre realidades paralelas. The Hum. O son que provocan as vibracións dende o centro galáctico. Incorporeime, parei o vídeo e souben de inmediato que ese sería o título desta peza.

 

APERTURA. LA IMAGEN DE LA MAÑANA COMO LA DE UN REINICIO, UNA APERTURA.

APERTURA. A IMAXE DA MAÑÁ COMO A DUN RECOMEZO, UNHA APERTURA.

Nacho Alonso | 2017 | 04:31 | España | FIC | COR

A droga expúlsate a lugares estraños. A imaxe da mañá como a dun reinicio, unha apertura. Un home séntase, mira cara o horizonte e sabe que está morto.

 

FCKR

Nacho Alonso | 2018 | 10:13 | España | DOC | COR

Pasei uns meses marabillosos en Berlín. Todas as fines de semana, a dous pasos de casa, deslizábame cunhas moedas no peto ata a sala de concertos da K19 en Kreutzigerstrasse. Quen tocaba era o de menos. Noise. Hardcore. Punk. Unha desas veces levei unha pequena cámara mini dv e gravei con ela o final do concerto dunha banda de Leipzig: FCKR. O resultado desa gravación é este breve documento.

Información da billeteira: 

Despacho de billetes do Teatro Principal. Aberto de martes a sábado (+ días de evento) de 18.00 a 21.00h. Semana do festival de 16:30 a 23:00h. Os días que hai evento no Teatro, a venta anticipada remata ás 20.00h e só se venden entradas para o espectáculo dese día. Teléfono: 981 542 349

Funcións: 
Xoves, 3 Outubro, 2019
20:00
NUMAX

UBICACIÓN