CURTOCIRCUÍTO 2022
SUPERNOVA
Esta sección naceu para salvar a brecha existente entre as primeiras experiencias cinematográficas e os circuítos profesionais. Eses primeiros traballos que non teñen fácil acceso a espazos de difusión atopan en Supernova o seu lugar. O festival quere empregar esta sección para que cineastas emerxentes aprendan a presentar, defender e acompañar os seus filmes e, para isto, encargarase de que entre o público haxa sempre programadores, produtores e realizadores máis experimentados que... Ler máis
Carlos foi vivir ao mar
Fernando Areal Alvite | 2022 | 15:32 | España | FIC | COR
Carlos é un home de mediana idade que debe superar unha ruptura sentimental e adaptarse ao seu novo fogar, incapaz de reiniciar a súa vida. Entre os desafíos que se lle presentan destaca unha tarefa imprescindible: a de atopar subministro de auga potable. Este será o reto principal que abordará o relato e que serve para representar a busca simbólica dunha nova oportunidade.
O que queda
Alejandro Rodríguez | 2022 | 09:14 | España | EXP, DOC | COR
A través da superficie dunha pantalla, adentrámonos nunha galería dun teléfono móbil. Unha voz introdúcenos ao seu contido e desmémbrao, dando paso a un ensaio fílmico que cuestiona o valor das imaxes que xeramos diariamente, reflexionando sobre as relacións que se establecen entre memoria e arquivo.
Para ver o mar ás veces é mellor pechar os ollos
Breogán Xague | 2022 | 09:29 | España | EXP, DOC | COR
A costa industrial de Cangas do Morrazo gravada có móvil antes de partir, o mosaico da antigua conserveira de Massó có texto alterado, e o acto de volver a xogar un partido no modo lenda do Pro Evolution Soccer 2012 serven para narrar un pesadelo sobre ser incapaz de volver a casa tras marchar a vivir ó estranxeiro.
Sedimento
Noa Costas Martín | 2022 | 08:38 | España | DOC, EXP | COR
Unha concepción máis ampla de termos coma memoria, herdanza e legado faise necesaria para o entendemento dos diferentes procesos sociais que se dan na Galiza a día de hoxe; e tamén para a busca dunha identidade e definición da xente que participa neses procesos. Poñemos a vista no territorio e entendemos estes termos tamén dende unha perspectiva máis persoal e ligada á atmósfera íntima e privada.
DEMASIADO*MOZO*PARA*MORRER
Victor Soho | 2022 | 10:21 | España | EXP, FIC | COR
Tras a morte do seu amigo, afogado no mar, o protagonista decide vingarse da única maneira posible: matando ao océano Atlántico.
Manifesto
Eire Cid | 2022 | 08:07 | España | DOC, EXP | COR
Unha moza vese obrigada a estar consigo mesma ao ficar encerrada no seu cuarto.
Abismo
Rubén Suárez | 2022 | 16:22 | España | FIC | COR
Álex espértase dun pesadelo só para atoparse que na súa propia casa continúan os sucesos terroríficos en forma de visións e ruídos delirantes e turbadores. A raíz desta situación aterradora, atópase nun penoso incidente do seu pasado que volveu atormentalo.