CENTRO DRAMÁTICO NACIONAL, MICOMICÓN E APRIORI
Os nosos protagonistas son tres soldados do exército español que se atopan nas terras do Rif despois do Desastre de Annual, ocorrido o 21 de xullo de 1921. Son tres soldados que representan aos miles de mozos españois que foron arrincados dos seus fogares e aos miles de rifeños que se viron obrigados a loitar no lado español para mitigar a súa fame e a súa miseria. A través das súas historias, dos seus relatos, das súas vivencias, que percorrerán lugares tristemente míticos como Igueriben, Zeluán ou o Monte Arruit, e que se van a proxectar ata o nefasto ano de 1936, desfilarán diante de nós personaxes chave daquelas guerras: deputados, altos comisarios, reis, cantineiras, prostitutas, caídes, artistas de cinema, xornalistas, militares e civís. Con eles imos visitar, coma se dun pesadelo grotesco se tratara, unha guerra innecesaria, inxusta e cruel, que causou miles de mortes de españois e rifeños, utilización de gases tóxicos incluída, e cunhas consecuencias cruciais no devir do século XX...
Autora: Laila Ripoll e Mariano Llorente
Dirección: Laila Ripoll
Reparto: Arantxa Aranguren, Juanjo Cucalón, Mateo Rubistein, Jorge Varandela, Ibrahim Ibnou, Sara Sánchez, Carlos Jiménez-Alfaro, Mariano Llorente e Néstor Ballesteros
Escenografía: Arturo Martín Burgos
Vestiario: Almudena Rodríguez Huertas
Música: Mariano Marín
Iluminación: Luís Perdiguero
Videoescena: Álvaro Luna
Idade recomendada: > 18
Lingua: castelán
© imaxe: Luz Soria