CURTOCIRCUÍTO 2022
RADAR 1
Obras de calquera xénero e de calquera nacionalidade. Unha variada selección dos títulos que marcan tendencias a escala mundial, tanto na ficción como na animación ou o documental. Cineastas experimentados conviven con novas promesas: curtas que chegan avaladas por numerosos premios concedidos en festivais internacionais e novas obras que Curtocircuíto quere dar a coñecer.
Naya
Sebastian Mulder | 2021 | 24:25 | Países Baixos | DOC | COR, B&N
Unha loba que camiña de Alemaña a Bélxica é monitorizada por GPS. É a primeira que entra en Bélxica en máis dun século: aparece nas cabeceiras de todos os xornais, e, logo de chegar, desaparece. Este collage voyeurista de metraxe atopada, recollido de cámaras de seguridade e metraxe documental, explora e cuestiona a relación entre o ser humano e o senlleiro animal salvaxe.
Estrea en Galicia
Subtotais
Mohammadreza Farzad | 2022 | 15:00 | Polonia, Alemaña, Irán | DOC | COR
Leva vostede un rexistro das súas canas? Do número de casas que tivo ou alugado? Do número de bicos que intercambiou? Do número de veces que voou en soños? É posible que o fixese. Dá igual, é irrelevante se viviu unha vida máis alá dos números.
Amor e vinganza
Anhar Salem | 2022 | 30:00 | Francia, Arabia Saudí | EXP, DOC | COR
Unha adolescente intenta escapar da súa realidade empregando un filtro de Instagram tras volver tarde a casa. O desexo de ser libre existindo só coma unha imaxe derrúbase cando perde o control do seu avatar. Desde a distancia cinematográfica, Anhar Salem roda a dúas rapazas que actúan coma versións ficticias delas mesmas, explorando o seu espazo entre a vida privada e a pública que hai en Arabia Saudita.
Estrea en España
