CURTOCIRCUITO 2021
Obras de calquera xénero e de calquera nacionalidade. Unha variada selección dos títulos que marcan tendencias a escala mundial, tanto na ficción como na animación ou o documental. Cineastas experimentados conviven con novas promesas: curtas que chegan avaladas por numerosos premios concedidos en festivais internacionais e novas obras que Curtocircuíto quere dar a coñecer.
Forever
Mitch McGlocklin | 2020 | 07:23 | EEUU | ANI, EXP | COR
Unha compañía de seguros de vida utiliza un algoritmo de IA para determinar a idoneidade dun novo cliente. Ao ver denegada a súa solicitude, o individuo en cuestión atravesa un período de introspección.
Son of Sodom
Theo Montoya | 2020 | 15:00 | Colombia, Argentina | FIC | COR
En agosto de 2017 escollín a Camilo Najar, coñecido en redes sociais como Son of Sodom, para ser o protagonista da miña primeira película de ficción. O casting xirou ao redor da morte, o non-futuro e a súa sexualidade. Unha semana despois, Camilo morreu aos seus 21 anos dunha sobredose de heroína. Quen foi Son of Sodom?
Gramercy
Pat Heywood, Jamil McGinnis | 2020 | 22:43 | FIC | COR, B&N
Shaq, un rapaz que loita contra a depresión, regresa á súa cidade natal de Nova Jersey, onde a súa exploración da dor e mais da irmandade se transforma na imaxinación dunha vida interior.
Sol de Campinas
Jessica Sarah Rinland | 2021 | 26:00 | EXP, DOC | COR
Sol de Campinas amosa o traballo dos arqueólogos que durante os últimos dez anos escavaron un anel de montículos que rodea unha praza central dentro do territorio coñecido actualmente como o estado de Acre (Brasil). Pasan do campo ao laboratorio e interpretan como se construíu o terreo, que pautas se empregaron no uso do solo dos asentamentos e a composición da terra antropoxénica que queda.