Un púlsar é unha pequena estrela de neutróns cun intenso campo magnético que emite pulsos a intervalos regulares. Curtocircuíto ten a misión de detectar e programar a autores emerxentes cun traballo sólido que xa delaten unha mirada e unha linguaxe propias. Púlsar é enerxía, novidade e risco.
Desta volta en colaboración co proxecto europeo Womarts na procura pola igualdade das mulleres na contorna artística, centrase no labor da realizadora fraco-colombiana Laura Huertas Millán. Dúas sesións coa presenza desta autora que parte nos seus traballos da etnografía para diluír as fronteiras entre realidade e ficción e construír relatos que afondan nas raíces culturais e noutras formas de entender o mundo.
LAURA HUERTAS MILLÁN
Laura Huertas Millán é unha artista e cineasta franco-colombiana. Doctora en artes visuais da Universidade PSL (programa SACRe), fixo parte dol Sensory Ethnography Lab da Universidade de Harvard. As súas películas entrelazan a etnografía, a ecoloxía e a ficción, narrando diferentes estratexias de supervivencia, de resistencia e de resiliencia contra a violencia. As súas obras foron presentadas en festivais de cine internacionais como Viennale, Toronto, New York Film Festival, Rotterdam, La Habana, FICValdivia ou Cinéma du Réel; e foron premiadas no festival de Locarno, FIDMarseille, Doclisboa e Videobrasil, entre outros. Retrospectivas dos seus filmes foron presentadas na cinemateca da Universidad de Harvard, CCA (Glasgow), CA2DM (Madrid), Festival de Mar del Plata, ICA (Londres), Flaherty Seminar e na Cinemateca de Toronto. Entre as súas exposicións e proxeccións colectivas destacan o “Future Generation Art Prize” exposición paralela á Bienal de Venecia (2019), FRONT Triennial (Cleveland, 2018), “Nuevos Nombres” Banco da República de Colombia (Bogotá, 2018), “Prospectif Cinéma” Centre Pompidou (París, 2017), “À la lisière du quotidien” Jeu de Paume (París, 2017) e “Tropical Uncanny” Guggenheim Museum (Nueva York, 2014).
EL LABERINTO
O LABIRINTO
Laura Huertas Millán | 2018 | 21:00 | Francia, Colombia | DOC, EXP | COR
Unha viaxe dentro dos recordos labirínticos dun narrador testemuña do espectacular ascenso e caída dos narcotraficantes da rexión amazónica colombiana. Camiñando polo bosque e as ruínas dunha mansión (unha réplica da desmesurada casa do programa da televisión estadounidense Dynasty), o noso narrador pronto converterase no protagonista do seu propio relato alucinante.
AEQUADOR
Laura Huertas Millán | 2012 | 19:00 | Francia, Colombia | FIC | COR
Un relato de viaxe sen palabras polo río Amazonas atravesando unha paisaxe poboada por construcións modernistas abandonadas, ruínas ou lembranzas dunha utopía do pasado engulida pola natureza. Aequador, documental e ciencia ficción, país á vez ficticio e real, evoca os restos de certas políticas progresistas do século XX nas selvas de América Latina e a súa cohabitación co presente.
JOURNEY TO A LAND OTHERWISE KNOWN
VIAXE EN TERRA OUTRORA CONTADA
Laura Huertas Millán | 2011 | 23:00 | Francia, Colombia | DOC, FIC | COR
Filmada no Invernadoiro tropical do Xardín Botánico de Lille (Francia), Viaxe en terra outrora contada baséase en relatos de viaxes coloniais europeas, arredor do mito do "descubrimento" de América. Comezando como a sátira dunha película de "primeiro contacto", o filme formaliza unha etnografía surrealista do mal chamado "Novo Mundo".
