O HOME QUE PERDEU A SÚA SOMBRA / L’HOMME QUI A PERDU SON OMBRE (1991)

DATOS BÁSICOS

SECCIÓN PARALELA PAÍS CONVIDADO: SUÍZA. HOMENAXE A ALAIN TANNER

Alain Tanner

Suíza, Francia, España / 100 min / Ficción / Francés, español

Ficha artística

Francisco Rabal, Ángela Molina, Dominic Gould, Valeria Bruni Tedeschi

Ficha técnica

Guión: Alain Tanner

Fotografía: José Luis López-Linares

Edición: Monica Goux

Produción: Filmograph SA, Tornasol Films SA, Gemini Films

Na película, Antonio explícalle a Paul que cando a un lle faltan ideas e xa non sabe por que actúa, é como alguén que perdeu a súa sombra. Segundo el, iso foi o que lle pasou a Paul. Antonio, excomunista, volve a Andalucía logo dun longo exilio en Francia, e recibe a Paul, que fuxiu da súa casa despois de ser despedido no xornal onde traballaba. Paul pensa que todo se arranxa, explica Antonio; todo o que pasa mentalmente, igual que a vida cos demais. Parte nunha viaxe mental e déixase atrapar pola vida. E polas mulleres: Anne, a súa amiga actual, e Marie, a súa ex, quen comeza a buscalo. Unha situación tráxica ou cómica? Nin unha nin outra, responde Paul. A historia non necesitaba un cadáver e, con todo, termina cunha morte. Con Antonio desaparece toda unha parte da historia e das utopías sociais. Paul perdeu a súa sombra. Pero esa sombra non era a que Antonio imaxinaba. A súa sombra era el mesmo.

«Un cineasta tan físico como Alain Tanner non pode aceptar sen anoxo o que Jean Baudrillard describe n’O intercambio simbólico e a morte: a existencia da morte calculada, neutralizada, e con ela a obsesión e ilusión de inmortalidade, características da nosa época. Tanner trata de achegar unha presenza ao ser humano, porque el mesmo sofre por unha carencia. O tema do home que perdeu a súa sombra é unha sorte de obsesión que vai unida á sensación da viaxe e do exilio. Non hai nada máis belo que observar como a súa cámara acariña o corpo humano; o mar e o tempo que pasa, levados polo movemento cuxo son asolaga as rúas, acompañados do vento polvoroso que leva a Antonio. A elevación dese canto fai deste filme unha obra que xa non debe demostrar nada». Amina Danton, Cahiers du cinéma 1992, No. 451.

 

 

Duración: 
100 MIN
Entradas: 

Entrada de balde previa retirada de convite

  • compostelacultura.gal
  • Despacho de billetes da Zona C. Punto de Información Cultural: de martes a sábado, de 11 a 14 e de 16 a 19 h. Domingos de 11 a 14 h. Tel.: 981 542 462
  • Despacho de billetes do Teatro Principal: de 16 h ata a hora de inicio do último filme do Teatro Principal ou do Salón Teatro. (Se hai proxección fóra deste horario, o despacho de billetes abre media hora antes do inicio). Tel.: 981 542 349
  • NUMAX: de luns a sábado (excepto martes) de 10.30 a 14 h e de 16 a 20.30 h. Martes de 16 a 20.30 h. (Se hai proxección fóra deste horario, o despacho de billetes abre 10 minutos antes do inicio)
  • Multicines Compostela: desde as 17.00 h ata a hora de inicio do último filme. (Se hai proxección fóra deste horario, o despacho de billetes abre media hora antes do inicio).
  • Auditorio de Galicia e Museo das Peregrinacións: desde media hora antes do inicio de cada proxección.

 

PRÉGASE O USO PREFERENTE DA WEB PARA A ADQUISICIÓN DE ENTRADAS

PROTOCOLO DE ACCESO A ESPECTÁCULOS PUBLICADO NA PORTADA

Funcións: 
Mércores, 17 Novembro, 2021
16:00
NUMAX