Estrea o 4 de marzo ás 20.00 h. Funcións familiares 5 e 6 de marzo
EnFamilia
EscenaGZ
DerivasePeregrinaxes
Idade recomendada: todos os públicos
Duración: 60 min
Lingua: galego
Obra teatral con actores, monicreques e músicos que a modo de opereta, partindo do romance popularizado por Don Faustino Santalices e incorporando cancións e músicas do folclore galego, conta un dos milagres atribuídos ao Apóstolo Santiago que narra a viaxe do peregrino francés Gaiferos de Monmarltan ata a súa morte aos pés do santo na Catedral compostelá.
Nesa viaxe atemporal atoparase con diferentes personaxes como Exeria, a dama peregrina a Xerusalén, un arrieiro maragato, uns cómicos italianos, un demo que unha e outra vez quere desvialo do seu camiño ofrecéndolle todo tipo de praceres mundanos e ata unha reporteira da televisión galega. A eles incorpóranse diferentes personaxes arquetipos dos diversos peregrinos que viaxan a Compostela coma un faquir hindú co seu elefante, un escocés, un portugués, unha andaluza flamenca así como lendas, costumes, lugares e monumentos representativos do feito xacobeo ata rematar aos pés do Apóstolo Santiago no Pórtico da Gloria.
Autor: Marcelino de Santiago
Dirección: Isabel Rey
Adaptación: Isabel Rey e Kukas
Deseño de marionetas, escenografía e vestiario: Marcelino de Santiago (Kukas)
Música: Popular e Antía Ameixeiras e Sabela Caamaño
Elenco artístico: Miguel Cabaleiro, Borxa Insua. Isabel G. Coldeira, Marian González, Marcelino de Santiago e Ero Vázquez