FESTIVAL C 2021
De Lugares e Órganos
Mis tristes ojos ciegan hechos río
Corina Marti
Concerto inaugural
Maria Bayley, voz e arpa
Ana María Fonseca Núñez, voz
Corina Marti, órgano, espineta e dirección
A organista e cembalista Corina Marti preséntase de novo no ciclo De Lugares e Órganos, para interpretar un programa concibido en exclusiva para o órgano histórico de Santa Clara. A orixe do programa está nun proxecto de gravación, que terá lugar nos vindeiros meses, adiado xa en varias ocasións por mor da pandemia.
Compoñen o repertorio obras dos séculos XV e XVI procedentes de cancioneiros ibéricos e danzas que, xa na altura, foron arranxadas para seren tocadas ao órgano, canda obras dos grandes organistas dos ss. XVI e XVII, como Cabezón, Bruna ou Aguilera de Heredia. O programa ten tamén como trasfondo as relacións musicais entre a corte de Carlos I e as casas de Borgoña, Francia ou Portugal.
Corina Marti estará acompañada por dúas cantantes e polo son dunha arpa, nunha combinación instrumental habitual para a interpretación destes repertorios durante o Renacemento e o primeiro Barroco.