MATER AMATÍSIMA

DATOS BÁSICOS

Con presentación e coloquio

Dirección: María Ruido

España / 2017 / Longametraxe / Documental, Experimental / Castelán, Alemán, Inglés

Ficha artística

Rosario Porto, José Luis Gutiérrez Aranguren, José Antonio Vázquez Taín, Benito López de Abajo, Xurxo Melchor.

Ficha técnica

Guión: María Ruido.
Produción: Beca Multiverso / Fundación BBVA.

Sinopse

O corpo é un dos territorios fundamentais de control social. Os estados aléntannos á reprodución —dos fillos e do propio modelo familiar—, controlan a nosa fecundidade e os seus produtos, pero paralelamente déixannos soas cos nosos nenos, clausuradas no espazo doméstico, e instadas a que a crianza sexa un asunto estritamente íntimo. A nosa capacidade de construción do mundo e de relacionarnos a través de experiencias social e persoalmente significativas e profundas, está moi limitada nun sistema cada vez máis fragmentado e individualista, de forma que ter descendencia e construír unha familia homologada pode actuar como unha estrutura compensatoria nun contexto sociopolítico que ofrece poucas posibilidades de xerar pegadas significativas. Nas imaxes da nai, codificadas durante séculos, reúnense as condicións materiais de produción da representación e do relato, xunto coas condicións materiais da reprodución. Aínda que ser nai é unha experiencia rica e complexa, moitas veces trufada de tensións e mesmo de desilusións —xeradas precisamente por unhas expectativas irreais—, a maternidade mítica deseñada polo sistema patriarcal é naturalizada como un impulso propio das femias humanas, e preséntase como unha relación sen conflitos nin contradicións. Dado o carácter feitichista e normalizador que se concede á maternidade no patriarcado para así perpetuar a orde social, eliximos verdadeiramente ser nais? Por que o coidado, o noso traballo vital fundamental, se presupón como unha tarefa especialmente adecuada para as mulleres?

Duración: 
55 minutos
Entradas: 

Texto por defecto para o campo Información da billeteira.

Funcións: 
Xoves, 22 Novembro, 2018
18:30
Museo das Peregrinacións