MASS (2021)

DATOS BÁSICOS

SECCIÓN OFICIAL NOVAS/OS CINEASTAS 

Fran Kranz

Estados Unidos / 110 min / Ficción / Inglés

Ficha artística

Jason Isaacs, Martha Plimpton, Reed Birney, Ann Dowd

Ficha técnica

Guión: Fran Kranz

Fotografía: Ryan Jackson-Healy     

Edición: Yang Hua Hu

Produción: 7 Eccles Street, Circa 1888, 5B Productions

Anos despois de que o fillo de Richard e Linda causase unha enorme traxedia, Jay e Gail están por fin dispostos a falar nun intento por tratar de seguir adiante coas súas vidas.

Aínda que a ópera prima do actor Fran Kranz provoca un efecto emocionalmente demoledor grazas aos seus catro actores, que manexan as diferentes capas dos seus personaxes con mestría, o filme flúe grazas a uns diálogos brillantes, así como á construción intelixente da súa atmosfera, desde o plano físico (o peche entre catro paredes), ata o plano psicolóxico (o peche emocional dos personaxes). O resultado é un filme valente que busca promover un debate serio sobre o control de armas e a saúde mental, pero especialmente sobre o perdón e a reconciliación como ferramentas de resiliencia social.

Sección Oficial do Festival de Sundance 2021

Sección Novos Directores do Festival de San Sebastián 2021

Fran Kranz

(Estados Unidos, 1981)

Traballou como actor durante máis de vinte anos en títulos como The Cabin in the Woods (2011) e Much Ado about Nothing (2012), e tamén nos escenarios de Broadway, onde, entre outras obras, participou na montaxe que Mike Nichols realizou de Morte dun viaxante, de Arthur Miller. Mass, a súa ópera prima, tivo a súa estrea Festival de Sundance.

Duración: 
110 MIN
Entradas: 
  • compostelacultura.gal
  • Zona C. Punto de Información Cultural: de martes a sábado, de 11 a 14 e de 16 a 19 h. Domingos de 11 a 14 h. Tel.: 981 542 462
  • Teatro Principal: de 16 h ata a hora de inicio do último filme do Teatro Principal ou do Salón Teatro. (Se hai proxección fóra deste horario, o despacho de billetes abre media hora antes do inicio). Tel.: 981 542 349
  • NUMAX: de luns a sábado (excepto martes) de 10.30 a 14 h e de 16 a 20.30 h. Martes de 16 a 20.30 h. (Se hai proxección fóra deste horario, o despacho de billetes abre 10 minutos antes do inicio)
  • Multicines Compostela: desde as 17.00 h ata a hora de inicio do último filme. (Se hai proxección fóra deste horario, o despacho de billetes abre media hora antes do inicio).
  • Auditorio de Galicia e Museo das Peregrinacións: desde media hora antes do inicio de cada proxección.

 

PRÉGASE O USO PREFERENTE DA WEB PARA A ADQUISICIÓN DE ENTRADAS

PROTOCOLO DE ACCESO A ESPECTÁCULOS PUBLICADO NA PORTADA

Funcións: 
Sábado, 13 Novembro, 2021
22:15
Teatro Principal
Xoves, 18 Novembro, 2021
21:45
Salón Teatro