MARATÓN CINEUROPA 2021

DATOS BÁSICOS

EN ORDE DE PROXECCIÓN

JACINTO (2021) de Javi Camino

España / 95 min / Ficción / Galego, inglés

Ficha artística: Pedro Brandariz, Anxela Baltar, Miro Magariños, Pilar Miguélez, Juanma Buiturón, Corinna Rautenberg

Ficha técnica

Guión: Javi Camino

Fotografía: Fran Arnoso

Música: Wenceslao Lamas Lopez

Produción: Vizuals Lab.

Jacinto é un neno de nove anos encerrado no corpo dun home de preto de cincuenta. Vive cos seus anciáns pais en Mallou, unha aldea en ruínas no medio das montañas de Lugo. Son os tres únicos habitantes que quedan. Jacinto fabricou un mundo de fantasía no que é o rei absoluto, pero todo cambia coa chegada dunha nova parella de veciñas: Alex e Ana, dúas escuras artistas black metaleiras que veñen desde Suecia en busca dun lugar tranquilo onde gravar o novo disco da súa banda Tardigrades. Os mundos de ambas as dúas familias non poderían ser máis diferentes, e non tardan en darse os primeiros rozamentos e problemas. Jacinto ten moi claro que Mallou é demasiado pequeno para os cinco. Igual que nas películas, ten que elaborar un plan para facer desaparecer ás mozas e traer a paz á súa familia.

PRISONERS OF THE GHOSTLAND (2021) de Sion Sono

Estados Unidos, Xapón / 103 min / Ficción / Inglés, xaponés, chinés, francés

Ficha artística: Nicolas Cage, Sofia Boutella, Ed Skrein, Nick Cassavetes, Bill Moseley, Narisa Suzuki, Takato Yonemoto

Ficha técnica

Guión: Aaron Hendry, Reza Sixo Safai

Fotografía: Souhei Tanigawa

Edición: Taylor Levy

Produción: Eleven Arts, Untitled Entertainment, XYZ Films, Patriot Pictures

Na traizoeira fronteira da cidade de Samurai Town, un ladrón de bancos sen escrúpulos é liberado do cárcere por un podente señor da guerra coñecido como The Governor para que atope a Bernice, a súa neta adoptiva, que desapareceu sen deixar rastro. Para garantir que cumpra a súa palabra, o ladrón é obrigado a levar posto un traxe de coiro que se autodestruirá nun período de cinco días. Na súa aventura procurará non só atopar á moza, senón tamén redimirse dos seus pecados.

COMING HOME IN THE DARK (2021) de James Ashcroft

Nova Zelandia / 93 min / Ficción / Inglés

Ficha artística: Daniel Gillies, Erik Thomson, Miriama McDowell, Matthias Luafutu, Billy Paratene, Frankie Paratene

Ficha técnica

Guión: James Ashcroft, Eli Kent. Baseado na historia de Owen Marshall

Fotografía: Matt Henley

Edición: Annie Collins

Produción: Light in the Dark Productions

Viaxando pola abatida estrada dun val interminable, Alan e Jill deteñen o seu vehículo para levar aos seus fillos adolescentes a unha camiñada pola natureza de Nova Zelandia. Cando pairan para gozar dun aperitivo, dous vagabundos aparecen da nada e rodean á pacífica familia. Nun inesperado acto de violencia secuestran á familia, o que desata unha serie de acontecementos dos que non existe escapatoria.

Sección Oficial do Festival de Sitges 2021

RENT-A-PAL (2020) de Jon Stevenson

Estados Unidos / 108 min / Ficción / Inglés

Ficha artística: Wil Wheaton, Brian Landis Folkins, Amy Rutledge, Kathleen Brady, Adrian Egolf, Josh Staab, Luke Sorge

Ficha técnica

Guión: Jon Stevenson

Fotografía: Scott Park

Edición: Jon Stevenson

Produción: Pretty People Pictures

Ambientada en 1990, un solteiro solitario chamado David busca o xeito de fuxir do aburrimento diario que lle supón coidar da súa nai anciá. Un día descobre por accidente unha estraña cinta de vídeo chamada Rent-A-Pal presentada polo carismático Andy. Esta ofrece todo o que David necesita: compañía, compaixón e amizade. Con todo, a súa relación ten un custo moito máis alto do que el está disposto a pagar.

MIL GRITOS TIENE LA NOCHE (1982)  de Juan Piquer Simón

España, Estados Unidos, Porto Rico, Italia / 90 min / Ficción / Inglés, español

Ficha artística: Christopher George, Lynda Day George, Frank Braña, Edmund Purdom, Ian Sera, Jack Taylor, May Heatherly, Emilio Linder

Ficha técnica

Guión: Dick Randall, Joe D'Amato

Fotografía: Juan Mariné

Edición: Antonio Gimeno

Produción: Almena Films, Film Ventures International (FVI), Fort Films, Montoro Productions

Nunha universidade de Estados Unidos, unha moza é asasinada e o seu cadáver aparece sen cabeza. Ao pouco tempo, outra moza é asasinada na piscina da Universidade e o seu corpo esnaquizado. A policía decide poñer unha muller policía na universidade, camuflada como profesora de tenis. Posteriormente, unha xornalista que investiga as mortes, é tamén asasinada, e outras dúas mozas aparecen mortas e mutiladas.

LA NOCHE DEL TERROR CIEGO (1971) de Amando de Ossorio

España, Portugal / 101 min / Xénero / Español

Ficha artística: Lone Fleming, César Burner, María Elena Arpón, Joseph Thelman, Rufino Inglés, Verónica Llimera, Simón Arriaga

Ficha técnica

Guión: Amando de Ossorio

Fotografía: Pablo Ripoll

Edición: José Antonio Rojo

Produción: J.A. Pérez Giner, Salvadore Romero

Bette chega a Lisboa por motivos de traballo e atopa a Virginia, unha antiga compañeira de internado que pasea acompañada por Roger. Os tres deciden pasar uns días nun parador de turismo. Viaxan nun pintoresco tren, onde comezan a aparece os celos entre as dúas amigas. Virginia decide baixar do tren e chega a unha poboación deserta presidida por unha abadía. Acomódase nunha das casas e disponse a durmir, cando empezan a ocorrer cousas estrañas e terribles. Namentres, Roger e Bette deciden saír na procura da súa amiga. 

PELÍCULA SORPRESA

Duración: 
590 MIN
Entradas: 
  • compostelacultura.gal
  • Despacho de billetes da Zona C. Punto de Información Cultural: de martes a sábado, de 11 a 14 e de 16 a 19 h. Domingos de 11 a 14 h. Tel.: 981 542 462
  • Despacho de billetes do Teatro Principal: de 16 h ata a hora de inicio do último filme do Teatro Principal ou do Salón Teatro. (Se hai proxección fóra deste horario, o despacho de billetes abre media hora antes do inicio). Tel.: 981 542 349
  • NUMAX: de luns a sábado (excepto martes) de 10.30 a 14 h e de 16 a 20.30 h. Martes de 16 a 20.30 h. (Se hai proxección fóra deste horario, o despacho de billetes abre 10 minutos antes do inicio)
  • Multicines Compostela: desde as 17.00 h ata a hora de inicio do último filme. (Se hai proxección fóra deste horario, o despacho de billetes abre media hora antes do inicio).
  • Auditorio de Galicia e Museo das Peregrinacións: desde media hora antes do inicio de cada proxección.

 

PRÉGASE O USO PREFERENTE DA WEB PARA A ADQUISICIÓN DE ENTRADAS

PROTOCOLO DE ACCESO A ESPECTÁCULOS PUBLICADO NA PORTADA

 

Funcións: 
Venres, 19 Novembro, 2021
22:15
Teatro Principal