MAIS ALTO AÍNDA

CIRCO

Cía. Dessastronauts

Idade recomendada:  Para todos os públicos

O novo show de Circo Expreso tras o éxito de Un Día de Praia. Unha muller forte, intelixente, atractiva e divertida topa cun home... estúpido. El ha facer o que sexa para estar con ela, e ela fará todo o posible por escapar. Ela é dona de si mesma, el é infantil.

Veremos como a súa loita frenética se intensifica a medida que atopan un trapecio de balanceo, cordas aéreas dobres e un hula-hoop de lume ata chegar a un incrible e emocionante número de aéreo de voo.

Desastronauts volven co seu exitoso dúo de acrobacias aéreas, humor e enredos de parella no aire con números de tan altísimo nivel como trapecio en voo que porán a pel de galiña a calquera espectador polo seu risco e espectacularidade sen comparación en Galicia.