Las Muchas é un espectáculo de pequeno formato construído con veciñas do pobo onde reside a compañía. O espectáculo vai acompañado dun taller previo de 4 días con mulleres locais de máis de 60 anos.
O corpo no tempo.
Las Muchas fala de fraxilidade, desa que ten que ver coa idade, con corpos que xa non pertencen ao “corpus” do social, que xa deixan de estar no mercado oficial, pero máis vivos que nunca e sobre todo máis libres: corpos que respiran, pesan, bailan, seducen, móvense e sitúanse doutra maneira. Deixarse escoitar e deixarse atravesar polas experiencias vividas: físicas, emocionais, accidentais, políticas, de encubrimento e de compromiso.
Espectáculo dentro de DANZA A ESCENA, circuito artístico promovido polo INAEM que desenvolve La Red Española de Teatros.
+INFO: Web do espectáculo
