LA PANADERA

DATOS BÁSICOS

IRIA PRODUCCIONES

La Panadera conta a historia de Concha, unha muller de corenta anos, encargada dunha panadaría, casada, con dous fillos. Unha muller cunha vida tranquila e feliz que un día esperta coa noticia de que polas redes sociais corre un vídeo íntimo seu mantendo relacións sexuais cunha parella que tivo hai 15 anos. O vídeo sae agora á luz e esténdese de maneira incontrolada porque ese home fíxose famoso en Italia grazas a un reality televisivo.

A nudez, a rabia, a impotencia, a vergoña e a dor salpican a todos os seus seres queridos. Desde o seu pai, Ramón, un home de campo, nacido no trinta e oito, pasando polo seu fillo, Gael, un neno de once anos, ao que trata de ocultar o acontecido, pero que sabe manexar un computador infinitamente mellor que ela, ata o seu marido, Aitor, que tenta acompañar a Concha na dor, pero que non pode evitar deixarse invadir polo xuízo social.

As mensaxes cibernéticas sen piedade que, escondidas tras perfís sen nome, opinan, se mofan, e deshumanizan, chegan, e Concha terá que loitar para que o medo, a dor, as crenzas, o aprendido non a derroten.

Texto e dirección: Sandra Ferrús

Reparto: César Cambeiro, Sandra Ferrús, Elías González, Susana Hernández e Martxelo Rubio

Escenografía e vestiario: Elisa Sanz (AAPEE)

Iluminación: Paloma Parra

Música e espazo sonoro: Antonio de Cos

Videoescena: Elvira Ruiz

Axudante de dirección: Concha Delgado

Axudante de escenografía e vestiario: Paula Castellano

 

Idade recomendada: > 18

Lingua: castelán

© imaxe: Luz Soria

 

Duración: 
90 MIN
Entradas: 
  • compostelacultura.gal
  • Despacho de billetes da Zona C. Punto de Información Cultural. De martes a sábado, de 11 a 14 e de 16 a 19 h. Tel.: 981 542 462
  • Despacho de billetes do Teatro Principal. O día do espectáculo desde 1 h antes do comezo do mesmo. Tel.: 981 542 349
  • 14 euros. Descontos do 50% para persoas desempregadas, perceptoras de rendas sociais, xubiladas, maiores de 65 anos, estudantes, menores de 25 anos e membros de familias monoparentais ou numerosas.

PRÉGASE USO PREFERENTE DA WEB PARA A ADQUISICIÓN DE ENTRADAS

PROTOCOLO DE ACCESO A ESPECTÁCULOS PUBLICADO NA PORTADA

Funcións: 
Xoves, 21 Abril, 2022
20:30
Teatro Principal