CINEUROPA | DOCS CINEUROPA
Liza Mandelup
Estados Unidos / 99 min. / Documental / Inglés
Ficha técnica:
Música: Palmbomen II
Fotografía: Noah Collier
Sinopse:
Austyn Tester, un atractivo mozo de 16 anos, séntese oprimido polo pequeno espazo que ocupa na súa vila natal de Tennessee. A pesar disto, no mundo da rede e do streaming, é adorado por milleiros de mozas que viven practicamente por e para el. Tanto para Austyn coma para moitos e moitas adolescentes, ter unha gran cantidade de fans na rede é sinónimo de obter un pasaporte cara á riqueza e á fama e poder abandonar a vida rural norteamericana, algo que sen dúbida atrae o interese de practicamente calquera persoa da súa idade. Aínda que boa parte do seu espectáculo se centra en satisfacer as necesidades do seu público, a súa actitude e os desexos que reflicte nel son auténticos, como ben demostra nunha xira ao redor do país logo de ser descuberto por un cazatalentos nacional.