Na última edición do festival de Cinema Curtocircuito, que organiza o Concello de Santiago de Compostela en colaboración coa Deputación da Coruña, o AGADIC (Axencia Galega das Industrias Culturais) e a ICAA Instituto de la Cinematografía y de las Artes Audiovisuales, recuperouse unha peza rodada en 1967 por Claudio Guerín Hill para o programa 'Conozca usted España' da TVE. E agora cando, en colaboración co Cineclube de Compostela, teremos de novo a oportunidade de revisitar este documental que se convertiu durante uns días en 'viral' en Compostela.
Serán tres días para homenaxear a Claudio Guerín, que rematarán o sábado 15 no Teatro Principal de Santiago coa proxección de tres documentais que serán presentados por Ezequiel Méndez Vidal (Santiago, 1941) quen fora fundador do primeiro Cine-Club Universitario de Santiago de Compostela.
___
Mércores 12 ás 21.30 h no Pichel
A campá do inferno (La campana del infierno, Claudio Guerín Hill, Estado Español / Francia, 1973, 91', VO)
Xoves 13 ás 21.30 h no Pichel
Presentada por Ezequiel Méndez
Teatro de Sempre: Ricardo III (Teatro de siempre: Ricardo III, Claudio Guerín Hill, Estado Español / Francia, 1967, 107', VO)
Sábado 15 ás 19.30 h no Teatro Principal (ver información de billeteira)
Presentada por Ezequiel Méndez
Coñeza vostede España: Santiago de Compostela. (Conozca usted España: Hacia Santiago, Claudio Guerín Hill, Estado Español, 1967, 30', VO)
Coñeza vostede España: Cara a Santiago. (Conozca usted España: Hacia Santiago, José Luis Font, Estado Español, 1968, 30', VO)
Galicia. (Galicia, Claudio Guerín Hill, Estado Español, 1967, 30'. VO)
