PRODUCIÓNS TEATRAIS EXCÉNTRICAS
EscenaGZ
DerivasePeregrinaxes
Idade recomendada: adultos
Lingua: galego
'Estrela do día' virá alumar os nosos corazóns con toda a divina parafernalia do teatro: a música e a comedia, a sorpresa e a cor, a emoción e a fortaleza. En definitiva, a invención dun novo mundo diante dos nosos ollos. Unha visión actualizada dos milagres de santa María aplicados aos problemas actuais (asombrosamente parecidos aos daquel século XIII) Volverán a desfilar diante dos nosos ollos, neste retablo do século XX, os soldados que foxen da guerra, a mociña obrigada a casar con quen non quere, os que expulsados dos seus lares son amoreados como gando, os presos por roubar comida, a monxa que foxe do convento, o que cansado deste mundo quere vivir noutro sen morrer, o que perde unha pelota e daría o que ten para seguir xogando, a que foxe da manda de brutos que a acosan, os que perden a compaña do animal que prefiren a calquera humano, a que procura a curación da enfermidade mortal... Dramas resoltos pola intervención milagreira de María con aparicións dignas da mellor vedette de varietés.
Autor: Quico Cadaval
Dirección: Marcos PTT Carballido
Escenografía: Laura Iturralde
Deseño son: Nacho Muñoz
Deseño iluminación: Laura Iturralde
Vestiario: Uxía Vaello
Música: Piti Sanz
Elenco artístico: Patricia Vázquez, Víctor Mosqueira, Rocío González, Evaristo Calvo
Web da compañía: excentricas.net
