EscenaGZ
EnFamilia
TerritoriodasMulleres
CelebremososCorpos
Idade recomendada: infantil a partir de 3 anos
Duración: 55 min
Lingua: galego
Nina, valente e alegre a partes iguais, atopa unhas flores moi especiais que a levan a descubrir un mundo fantástico, habitado por seres máxicos, poderosos e divertidos. Todo é tan diferente, tan brillante, tan fermoso! Mais Nina sinte a falta do seu fogar e decide marchar. A cuestión é que ese mundo é un labirinto e como todos os labirintos, é moi doado entrar pero ben complicado saír. Será que ela o consegue?
Nina Ninette é un conto iniciático, que se inspira na estética do Ballet Triádico celebrando o centenario da súa estrea, para danzar unha historia de beleza e rebeldía.
María Torres (compañía Elefante Elegante) e Marta Alonso e Paula Quintas (trasPediante) forman un equipo de creación para a peza iniciada a partir da estética do Ballet Triádico de Oskar Schlemmer -Bauhaus- do 1921.
Autoría e dirección: María Torres
Coreografía: Marta Alonso Tejada e Paula Quintas
Elenco: Marta Alonso Tejada, Paula Quintas e Carlota Mosquera
Escenografía: Gonçalo Guerreiro
Música orixinal: Alex Salgueiro
Vestiario: Diego Valeiras
Iluminación: Nacho Martín
Atrezzo: trasPediante
Distribución: Manu Lago
Produción: trasPediante
Axuda á creación de Agadic (Xacobeo 2021 - Xunta de Galicia)
trasPediante
É un proxecto artístico galego integrado por Marta Alonso Tejada, Paula Quintas e Begoña Cuquejo que combina o traballo de compañía ca xestión cultural, con proxectos como o Festival Corpo(a)terra, o programa de formación Enxebre Danza ou o Adestramento profesional en danza contemporánea en Santiago de Compostela.
Web da compañía: www.traspediante.com