Baixo o lema Música para Camiñantes, o 21 de xuño celébrase o Día Europeo da Música con concertos ao aire libre de diversos estilos en distintos lugares e escenarios de Compostela. Música para escoitar mentres se pasea a modo de banda sonora.
As actuacións evitarán a concentración de público que poderá ir desplazándose de cita en cita.
BRINCADEIRA, CANTIGAS E AGARIMOS, COLEXIATA DE SAR E ULTREIA
De 11.00 a 13.00 e de 16.00 a 18.00 h_ Concheiros, San Pedro, Basquiños, Zona Vella, Praza de Galicia, Ensanche, Romero Donallo
Agrupacións folclóricas de baile e música tradicional percorrerán Compostela. Música para escoitar mentres se camiña.
.
GRUPO DE CLARINETES DA BMSC
12.00 h_ Praza Roxa
Obras de Mozart, Grundman, H. Mancini, B. Goodman, S. Joplin e G. Baudot
GRUPO DE SAXOFÓNS DA BMSC
13.00 h_ Praza das Praterías
Baixo o título de 'Música entre danzas' ofrecerán obras de C. Debussy, D. Shostakovich, L. Florenzo, A. Piazzola, P. Iturralde e G. Miller
AIDA SACO, piano
18.00 h_ Parque Eugenio Granell (Xardín ornamental do Parque Novo Milenio)
Aida Saco, formada en música clásica, ten participado como concertista en numerosos ciclos e eventos musicais tanto de carácter colectivo como solista.
TON RISCO, vibráfono
18.45 h_ Praza das Pontes do Sar
Ton Risco agora moi centrado no vibráfono foi batería e percusionista. Formado en música clásica e jaz, o seu carácter ecléctico lévao a colaborar cunha gran variedade de artistas de todo o mundo.
SISTER IN THE HOUSE
19.30 h_ Praza Roxa (cruceiro do Agro de Ramírez)
Sisters in the House, finalistas na categoría de coro e grupos vocais na edición dos premios Martin Codax da Música en 2016 e 2017, achegarán o soul a todos os públicos cun repertorio que vai desde The Beatles ou Beyonce, pasando polo rock de The Rolling Stones ou o soul clásico de Ray Charles, Stevie Wonder e Aretha Franklin, así como una sección de cancións populares galegas.
GERSON TINEO TRÍO
20.15 h_ Rúa de San Clemente
Gerson Tineo Trío traerá xéneros musicais de todo o mundo levados ao campo do jazz.