PANORAMA AUDIOVISUAL GALEGO
VEN 13, 16:00 | NUMAX
ONDE ESTAMOS NÓS, A OUTRA OLLADA DO CINEMA (2018)
Lara Alonso
Galicia / 39 min. / Documental / Galego
Onde estamos nós é un documental feminista, de carácter testemuñal, que ten como obxectivo visibilizar a obra audiovisual dalgunhas das directoras máis recoñecidas do ámbito galego. O proxecto adquire unha visión crítica da ausencia de mulleres no posto de dirección en Galicia. Pretende concienciar sobre o que supón ser muller e dirixir, da falta de referentes femininos nos manuais de estudo, da invisibilidade nas carteleiras, entre outros aspectos de interese, abordados desde unha clara perspectiva de xénero.
Interveñen: Melania Cruz, Antonio Durán ‘Morris’, Xúlio Mariana Carballal, Noemí Chantada, Paula Cons, Lucía Estévez, Anxos Fazáns, Xisela Franco, Margarita Ledo e Olga Osorio
Ficha técnica:
Guión, edición e produción: Lara Alonso
Imaxe: Alba Acuña, Lara Alonso e Silvia Troncoso Son: Alba Acuña , Brais Gómez e Silvia Troncoso Titor TFG: Paulino Pérez
Lara Alonso Vázquez
(Vigo, 1996)
Graduouse en comunicación audiovisual en Pontevedra. Ao longo dos seus estudos dirixiu varias curtametraxes: Sueña (2015), un stop motion de papel, e Lume (2018), videoarte para o proxecto Galifemia. Como Traballo de Fin de Grao (2018), presentou o documental Onde estamos nós, a outra ollada do cinema. Neste momento segue escribindo e desexando que as súas verbas se transformen en imaxes.
Co apoio do Programa Creative Europe da Unión Europea, proxecto Wom@rts.
_____
THE DEATH: EL REENCUENTRO (2020)
Pablo Vázquez
Galicia / 31 min. / Documental / Castelán
Ficha artística:
Iago Álvarez, Javier Varela, Pablo Villalobos, Pablo Vázquez
Ficha técnica:
Guión, fotografía e montaxe: Pablo Vázquez
Banda sonora: Denis Carballás, Pablo Vázquez
Tres amigos rememoran vellos tempos a través dunha película que filmaron cando eran nenos: The Death. Á súa vez, o director do documental reflexiona sobre a importancia que esta obra tivo na súa traxectoria e na súa vida. Unha homenaxe ás amizades da infancia e á inocencia do cinema caseiro feito por pura diversión.
Pablo Vázquez
(Vigo, 1995)
Tras graduarse en comunicación audiovisual na Universidade de Vigo, dedicou a maior parte do seu tempo ás súas tres grandes paixóns: música, cinema e fotografía. Despois da realización do seu primeiro documental Cuna de músicos (2017), co-dirixido xunto a Denis Carballás, Pablo filmou diversos videoclips e concertos para bandas locais. The Death: el reencuentro é o seu segundo documental e o seu proxecto máis persoal ata a data.