CONCERTO CON FUSIÓN: PÍSCORE E A BMSC

DATOS BÁSICOS

PÍSCORE

BANDA MUNICIPAL DE MÚSICA DE SANTIAGO

EscenaGZ

Idades recomendadas: todos os públicos

 

Despois de cen funcións co seu primeiro espectáculo Concerto Singular (e Plural) - Premio do Público Festiclown 2018, Espectáculo mellor valorado en Domingos do Principal 2018 –, Culturactiva Producións e Píscore presentan a súa segunda montaxe: Concerto Con Fusión.

Catro músicos, descoñecidos, de estilos moi diferentes, chegan ao palco sen os seus instrumentos. O descubrimento dunha marimba e de todas as súas posibilidades fai que, o que podería ser un desastre, se converta nun divertido exercicio de virtuosismo, cooperación e fusión musical. Entre partituras, atrís e baquetas, os catro protagonistas van descubrindo, pouco a pouco, tema a tema, que teñen un pasado en común e unha incrible querenza por facer músicas (con)fusionando estilos. A música, o teatro, o humor, a comedia xestual e o clown farán as delicias dun público que participa activamente no espectáculo.

Casiano Mouriño Maquieira, director

Pepe Varela, Diego Rosal, Félix Rodríguez e Pablo Cabanelas, percusión

Duración: 
55 min
Entradas: 

4 €

Bono familiar (4 entradas): 12 €

 

Despacho de billetes do Teatro Principal. Aberto de martes a sábado (+ días de evento) de 18.00 a 21.00h. Os días que hai evento no Teatro, a venta anticipada remata ás 20.00h e só se venden entradas para o espectáculo dese día. Teléfono: 981 542 349

Funcións: 
Sábado, 15 Febreiro, 2020
18:30
Teatro Principal