CONCERTO ACCESIBLE*
Æthereal Arthropod é Nestor Peixoto Abale, un produtor musical nado en Galicia. O seu enfoque de composición baséase na superposición metódica da improvisación controlada, inspirada no método científico; descubrindo novas fórmulas de estrutura mediante a observación coidadosa de patróns e a súa fusión. Unha oda crúa aos paralelismos das estruturas mecánicas e biolóxicas, explorando onde poden cruzarse estes reinos. As disposicións exoesqueléticas abarcan movementos rítmicos segmentados e apéndices articulados que se estenden en diversas anatomías tonais e texturais, mudando periodicamente nunha metamorfose perpetua. A constitución colonial ou de "enxame" mimetízase en bombardeos de entoacións ornamentadas e dixitalizadas.
Mestura de atmosferas ennegrecidas, ruído maléfico, bombos acelerados, composicións en capas (e impresionantes obras de arte cgi) dispostas para convocar a criaturas reptantes polas profundidades dun inferno dixital. Un "pesadelo invertebrado", por dicilo coas propias palabras de Nestor Peixoto Abale: unha tola mestura de música caótica (pero evocadora) e momentos noxentos (pero moi enerxéticos), todo iso envolto nun sádico sentido do humor que se apoia nunha forte imaxinería de malvados invertebrados axexando na súa infinita e imperecedoira perfección orgánica.
Æthereal Arthropod: "rede espiral ov æthernal data; cadeas de fibra de alfa-chitina dentro dunha matriz de proteínas sedosas e globulares."
Æthereal Arthropod
*ACCESIBILIDADE
Desde o espazo de residencia de COLAPSOLOXÍAS apóstase pola cultura como instrumento de transformación social, contribuíndo na promoción do dereito das persoas para participar en condicións de igualdade na vida cultural. Desde xeito, no marco desta residencia artística, facilitarase o acceso ao servizo de Mochilas Subpac e de interpretación de Lingua de Signos durante o concerto.
Previa inscrición no correo: info@extramundi.org
Colapso Colectivo intégrase como unha liña de acción colaborativa da Asociación Extramundi, rede profesional multidisciplinar encamiñada a xerar procesos de equidade social a través da construción de sociedades máis inclusivas e diversas (habitats máis humanos). Para esta ocasión contamos coa colaboración novamente dos nosos compañeiros da Asociación ACOPROS.
+ INFORMACIÓN EN: COLAPSO COLECTIVO
