CC_ENCONTRO CON PROXECTA

CURTOCIRCUÍTO 2020
Encontro PROXECTA CONSTRÚE: ‘Cultura 2021: e agora que?’

Nun panorama de cambios que modifican drasticamente e en tempos moi curtos as producións de festivais, as asociacións de profesionais amósanse como o futuro de cara ao deseño dunha política unificada. Desde hai un tempo os festivais véñense agrupando en diferentes colectivos, non só co obxectivo de  promover unha economía cultural máis xusta, senón tamén co de fortalecer unha cultura transversal entre diferentes axentes culturais. Este encontro contará con representantes dos festivais de cinema, de música e das artes escénicas que analizarán esta e outras problemáticas que afectan ao futuro do sector nos tempos de coronavirus.