BARCO PIRATA E COMPAÑÍA NACIONAL DE TEATRO CLÁSICO
CASTELVINES E MONTESES é unha festa do teatro. É pór o verso de Lope, a historia de Bandello , o xogo da versión de Rojas Zorrilla, o voo de Shakespeare e a acidez de Quevedo ao servizo dun espectáculo cheo de humor, xogo, música, maxia, clown e baile.
Lope de Vega e William Shakespeare partiron das mesmas fontes e escribiron Castelvines e Monteses e Romeo e Xulieta na mesma época, finais do século XVI. A diferenza de Shakespeare, Lope escribe unha comedia coa historia dos amantes de Verona.
13 actrices e actores que abrazan os versos de Lope de Vega, e namóranse e namoran ao espectador co seu talento actoral, o seu dominio do corpo, do canto e dos instrumentos cos que ambientan en tempo real os devires de Julia e Roselo, Celia e Marín, Dorotea e Anselmo. Unha escenografía a primeira vista sinxela pero camaleónica e, sobre todo, que enche de maxia que funciona como unha caixa de sorpresas constantes.
Un espectáculo case de circo, para toda a familia, que nos reconcilia co teatro do século de ouro.
Señoras e señores a comedia musical está servida.
Autoría: Lope de Vega
Dirección: Sergio Peris-Mencheta
Reparto: Paula Iwasaki, Andreas Muñoz, Aitor Beltrán, Xabier Murua, Ignacio Rengel, Óscar Martínez-Gil, Maria Pascual, Natxo Nuñez, Gonzalo Ramos, Xoel Fernández, Cintia Rosado, Jùlia Roch, Almudena Salort
Tradución e adaptación: Carlos Menéndez
Escenografía: Curt Allen con Estudiodedos
Vestiario: Elda Noriega
Música: Varios Autores
Iluminación: Valentín Álvarez
Idade recomendada: > 7
Duración de 150 min con dous interludios de 5 min
Lingua: castelán
© imaxe: Sergio Parra