AM I WHAT?

DANZA

Cía. Elvi Balboa

Idade recomendada:  Para todos os públicos

Durante a viaxe os corpos móvense polo desexo de ser vistos. Emerxe o ego entre a suor da multitude. A vida é unha viaxe de corpos que desexan e se moven. Unha voz di: ver a secas. ‘Am I what?’ É a forma escénica que toma a necesidade de cuestionar quen son. Esta pregunta xorde dunha ampla experiencia como intérprete dentro do xerárquico e ambivalente mundo da danza, no que o individuo –que se cuestiona a si mesmo– e o colectivo que ten o potencial de arrasar con el, batallan pola supervivencia. É o desexo de amosar o ego, o desexo individual, que pode verse incluso negativo por unha sociedade na que, aínda sendo natural o seu desenvolvemento, anúlao, engúleo. ‘Am I what?’ é un conflito escénico irresoluble, que vehicula a mensaxe de todos os corpos que desexan ser vistos como individuais, recoñecerse e ser recoñecidos alén da colectividade á que pertencen.