ABE RÁBADE TRÍO PRESENTA 'SORTE'

DATOS BÁSICOS

Abe Rábade Trío presenta o seu novo disco, ‘Sorte’, conformado por 12 composicións orixinais con Abe Rábade ao piano, Pablo Martín Caminero ao contrabaixo e Bruno Pedroso á batería.

Coa suxerente idea-forza da Sorte como “grupo de elementos que emerxeron por medio do azar”, cada peza do álbum representa un estado de ánimo ou unha fonte magnética de inspiración. O abano estético do material vai desde a música clásica ao blues, pasando pola influencia da música tradicional de Galiza, a experimentación tímbrica de vangarda e, por suposto, os elementos interactivos e espontáneos tan propios do jazz.

A estructura de S O R T E consta de 4 trípticos, que representan unha dimensión da sorte:

  • SORTE MÍSTICA: Orballo, Pálpito & Fluido.
  • SORTE ÉPICA: Ideas, Travesía & Victoria.
  • SORTE ÍNTIMA: Desencanto, Desexo & Lúa.
  • SORTE LÚDICA: Amencida, Calma & Retorno.

ABE RÁBADE TRÍO

O trío nace en Boston no 1996 co galego Paco Charlín ao contrabaixo e o búlgaro Val Tzenkov a la batería. No 2000 aséntase en Galiza e grava o seu primeiro disco, Babel de Sons (2001), con Paco Charlín ao contrabaixo e Ramón Ángel Rey á batería. Nos seguintes anos lanzan Simetrías (2002), Playing on light (2006), actúan en festivais de jazz da Península Ibérica, en Cuba e en Marrocos e participan diferentes proxectos.

A finais do 2006, Nelson Cascais incorpórase ao contrabaixo e desde 2008, Pablo Martín Caminero está ao contrabaixo e Bruno Pedroso á batería, conformando a formación existente na actualidade, xunto a Abe Rábade.

Publican Zigurat (2010) e A Modo (2012), presentado nunha xira en Centroamérica. No 2013 ve a luz Versons, o primeiro conformado unicamente por versión. Premio Martín Códax ao mellor disco do ano. Tránsitos (2015) recolle a obra orixinal de Abe Rábade para o seu trío con Orquestra Sinfónica.

Os seus  últimos traballos son Once (2016) e Doravante (2018), presentado no Festival de Jazz de Monterey (California, EEUU).

Abe Rábade, piano

Pablo Martín Caminero, contrabaixo

Bruno Pedroso, batería

 

Web: https://aberabade.com/gl/

Duración: 
75 min
Entradas: 

VENDA DE ENTRADAS EN LIÑA: LUNS DA SEMANA DO EVENTO_10.00 H

12 euros

* Descontos do 50% para colectivos habituais

Despacho de billetes do Teatro Principal. Aberto de martes a sábado (+ días de evento) de 18 a 21 h. Teléfono: 981 542 349

PRÉGASE USO PREFERENTE DA WEB PARA A ADQUISICIÓN DE ENTRADAS

PROTOCOLO DE ACCESO A ESPECTÁCULOS PUBLICADO NA PORTADA

Funcións: 
Mércores, 24 Febreiro, 2021
19:30
Teatro Principal